22
O‘zbek mediasi vakillari Xitoyning energetikaga oid tajribasini o‘rganishmoqda
Etakchi ommaviy axborot vositalari vakillari hamda Energetika vazirligi va uning tizim tashkilotlari matbuot kotiblarining Xitoyga press-turi tashkil etildi. Tadbirda, shuningdek, Axborot va ommaviy kommunikasiyalar agentligi hamda Ekologiya vazirligi vakillari ham ishtirok etmoqda.
Prezident topshirig‘iga muvofiq tashkil etilgan press-tur qatnashchilari XXRning Pekin, Sian va Chendu shaharlaridagi energetika tizimi korxonalari faoliyati bilan yaqindan tanishishmoqda.
Birinchi ob’ekt Pekin shahridagi «China Energy International Co. LTD» korporasiyasi bo‘lib, u 2011 yilda tashkil etilgan. Uning dunyodagi 140 davlatida faoliyat ko‘rsatuvchi bo‘linmasida 100 mingdan ziyod xodim ishlaydi. Umumiy aktivi - 154 mlrd. AQSh dollari.
Mutaxassislarning ta’kidlashicha, bugunga qadar kompaniya tomonidan umumiy 1060 GVt quvvatli 300 dan ortiq loyiha yo‘lga qo‘yilgan.
O‘zbekistonlik jurnalist va matbuot kotiblari kompaniyaning elektr stansiyalarini loyihalashtirish, qurish hamda ularga xizmat ko‘rsatishga doir tajribasi bilan tanishishdi. Shu bilan birga, ularga issiqlik elektr stansiyalari va gidroelektr stansiyalari qatorida quyosh, shamol va atom elektr stansiyalari kabi «yashil» energetika manbalarini qurish va saqlash borasidagi imkoniyatlari haqida batafsil ma’lumot berildi.
Qayd etilishicha, «China Energy International Co. LTD» O‘zbekistonning bir necha hududida qayta tiklanuvchi energiya manbalari yo‘nalishida umumiy qiymati 2 mlrd. 450 mln dollarga teng loyihalarni amalga oshirmoqda.
Manba: www.aniq.uz “Andijonliklar.Uz” yangiliklarini “Telegram”da kuzatib boring
Prezident topshirig‘iga muvofiq tashkil etilgan press-tur qatnashchilari XXRning Pekin, Sian va Chendu shaharlaridagi energetika tizimi korxonalari faoliyati bilan yaqindan tanishishmoqda.
Birinchi ob’ekt Pekin shahridagi «China Energy International Co. LTD» korporasiyasi bo‘lib, u 2011 yilda tashkil etilgan. Uning dunyodagi 140 davlatida faoliyat ko‘rsatuvchi bo‘linmasida 100 mingdan ziyod xodim ishlaydi. Umumiy aktivi - 154 mlrd. AQSh dollari.
Mutaxassislarning ta’kidlashicha, bugunga qadar kompaniya tomonidan umumiy 1060 GVt quvvatli 300 dan ortiq loyiha yo‘lga qo‘yilgan.
O‘zbekistonlik jurnalist va matbuot kotiblari kompaniyaning elektr stansiyalarini loyihalashtirish, qurish hamda ularga xizmat ko‘rsatishga doir tajribasi bilan tanishishdi. Shu bilan birga, ularga issiqlik elektr stansiyalari va gidroelektr stansiyalari qatorida quyosh, shamol va atom elektr stansiyalari kabi «yashil» energetika manbalarini qurish va saqlash borasidagi imkoniyatlari haqida batafsil ma’lumot berildi.
Qayd etilishicha, «China Energy International Co. LTD» O‘zbekistonning bir necha hududida qayta tiklanuvchi energiya manbalari yo‘nalishida umumiy qiymati 2 mlrd. 450 mln dollarga teng loyihalarni amalga oshirmoqda.
Manba: www.aniq.uz “Andijonliklar.Uz” yangiliklarini “Telegram”da kuzatib boring
