Boks. To‘rabek Habibullayev lisenzion turnirni kuchli raqibni mag‘lub etish bilan boshladi

Boks bo‘yicha O‘zbekiston terma jamoasi Parij-2024 yo‘llanmasi uchun Italiyada o‘tayotgan 1-jahon lisenzion turnirida ishtirokini boshladi. -80 kg vaznda musobaqada ishtirok etayotgan bokschimiz To‘rabek Habibullayev iordaniyalik Husayn Ishayishni 5:0 hisobida taslim etdi va navbatdagi turga yo‘l oldi. Bugungi dasturdan 3 nafar bokschimizning chiqishi o‘rin olgan. Amaldagi Jahon chempionlari Ruslan Abdullayev, Asadxo‘ja Mo‘ydinxo‘jayev va ayollarimizdan Rayhona Qodirova Parij-2024 yo‘llanmasi uchun o‘z yurishlarini boshlashadi. Bokschilarimizning raqiblari va bahslarning taxminan boshlanish vaqtlari bilan tanishing: -60 kg: Rayhona Qodirova - Sheila Martines Perez (Ispaniya) (16:15 dan so‘ng) -63,5 kg: Ruslan Abdullayev - Shiva Tapa (Hindiston) (00:00 dan so‘ng) -71 kg: Asadxo‘ja Mo‘ydinxo‘jayev - Islam Yachi Yusuf (Jazoir) (21:45 dan so‘ng) Bahslar Toshkent vaqti bilan 15:00 dan boshlab start oladi.










Manba: www.aniq.uz “Andijonliklar.Uz” yangiliklarini “Telegram”da kuzatib boring