20-01-2024, 19:42

Benzemaning xatti-harakati «Al-Ittihod»ning hafsalasini pir qildi

«Al-Ittihoda» hujumchisi Karim Benzemaning xatti-harakati klub rahbariyatining hafsalasini pir qildi. Boisi, 36 yoshli futbolchi qisqa ta’tildan so‘ng mashg‘ulotga o‘z vaqtida qaytmadi. U jamoa ixtiyoriga haddan tashqari kech yetib keldi. Aslida Karim 2 yanvar kuni klub bazasiga kelishi kerak edi, ammo u 18 yanvar kuni Ar-Riyodga yetib bordi. Eslatib o‘tamiz, Benzema 2023 yilning yozida «Real»dan «Al-Ittihod»ga o‘tgandi. U 20ta o‘yinda maydonga tushib, 12 gol va 5 assist muallifiga aylandi. Uning klub bilan shartnomasi 2026 yil 30 iyunga qadar tuzilgan.