Istanbulda G‘azoda dezinformasiyaga qarshi kurash bo‘yicha simpozium bo‘lib o‘tadi

26-27 yanvar kunlari Istanbulda «G‘azo sektoridagi urushda ommaviy axborot vositalarining haqiqat uchun kurashi: zo‘ravonlik, dezinformasiya, senzura» mavzusida simpozium bo‘lib o‘tadi.

Tadbirni Turkiya Prezidenti ma’muriyatining Aloqa boshqarmasi uyushtirmoqda va idora rahbari Fahrettin Altun kirish so‘zi bilan so‘zlaydi.

Tadbirda G‘azodagi urushni yoritish masalasida OAV vakillarining haqiqat tarafdori bo‘lishi, haqqoniy ma’lumotlarga ega bo‘lish va OAV xodimlari xavfsizligi, bu masalalarda xalqaro ommaviy axborot vositalarining roli kabi mavzular muhokama qilinadi.

Ko‘plab davlatlardan xalqaro ommaviy axborot vositalari vakillari ishtirok etadigan simpoziumda dezinformasiyaga qarshi global kurashning ahamiyati ham ta’kidlanadi.

Tadbir doirasida Falastinning Anqaradagi elchisi Faed Mustafo hamda xalqaro ommaviy axborot vositalarining yetakchi vakillari nutq so‘zlaydi.

Bundan tashqari, Isroil hujumlari natijasida yaqin qarindoshlarini yo‘qotgan Al Arabi telekanalining G‘azodagi muxbiri Ahmad al-Battaning videomurojaati e’lon qilinadi. “Andijonliklar.Uz” yangiliklarini “Telegram”da kuzatib boring