23-01-2024, 21:01

Isroilning G‘azodagi agressiyasi qurbonlari soni 25,4 ming kishidan oshdi

7 oktyabrdan beri blokada ostidagi G‘azo sektorida Isroilning davom etgan hujumlarida halok bo‘lgan falastinliklar soni 25 ming 490 nafarga yetdi. Bu haqda G‘azo sektori sog‘liqni saqlash vazirligi matbuot xizmati xabar berdi.

Falastin departamentining ta’kidlashicha, birgina so‘nggi 24 soat ichida 195 falastinlik Isroil hujumlari qurboni bo‘ldi, yana 354 nafar anklav aholisi jarohat oldi.

7 oktabrdan beri Isroil hujumlarida yaralanganlarning umumiy soni 63 354 nafarga yetdi, deya qo‘shimcha qildi u.

Ko‘p sonli falastinliklar hamon vayron bo‘lgan binolar vayronalari ostida qolmoqda. Tez yordam va fuqarolik mudofaasi ekipajlari ularga yetib borishda qiyinchiliklarga duch kelishdi, deyiladi xabarda.