Eronda 2022 yilda 22 yoshli Mahsa Amini polisiya bo‘limida o‘ldirilgani fonida mamlakatni qamrab olgan namoyishlar ishtirokchisiga nisbatan o‘lim jazosi ijro etildi.
Eron sud tizimiga yaqin bo‘lgan Mizan axborot agentligining xabar berishicha, 24 yoshli Muhammad Qubadlu Tehronda bir kishini o‘ldirgan va besh nafar xavfsizlik kuchini yaralaganlikda aybdor deb topilgan.
17 sentyabr kuni Mahsa Amini o‘limi haqidagi xabardan so‘ng Eronda keng ko‘lamli norozilik namoyishlari boshlandi.
Qiz 13 sentyabr kuni axloq polisiyasi tomonidan «hijobni noto‘g‘ri kiygani» uchun hibsga olingan va 16 sentyabr kuni vafot etgan. Bunga javoban Eronning o‘nlab shaharlari aholisi ko‘chalarga chiqdi.
“Andijonliklar.Uz” yangiliklarini “Telegram”da kuzatib boring
