Misr va Fransiya prezidentlari Isroilning Rafahdagi amaliyoti xavfi haqida gapirdi

Misr va Fransiya prezidentlari Abdulfattoh as-Sisi va Emmanuel Makron G‘azo sektori janubidagi Rafah shahri hududida isroillik qo‘shinlarning harbiy amaliyoti xavfi borligini ma’lum qildi.

Bu haqda Misr rahbarining rasmiy vakili Ahmad Fahmi o‘zining ijtimoiy tarmoqlarida ikki yetakchi o‘rtasidagi telefon muloqoti yakunlari bo‘yicha ma’lum qildi.

“Misr va Fransiya prezidentlari Rafahdagi har qanday harbiy kuchayish xavfi va uning mintaqadagi deyarli 1,5 million falastinlik uchun halokatli gumanitar oqibatlarini ta’kidladilar”, — deya uning so‘zlaridan iqtibos keltiradi TASS.

Aniqlik kiritilishicha, Misr va Fransiya prezidentlari “mintaqaviy darajada mojaro kengayishining salbiy oqibatlari haqida ogohlantirish bergan”.




Manba: www.aniq.uz “Andijonliklar.Uz” yangiliklarini “Telegram”da kuzatib boring