17-02-2024, 19:48

Turkiya milliy aviatashuvchisining texnik xususiyatlari va dizayni paydo bo‘ldi

Uzunligi 285 metr, eni 68 metr va 60 000 tonna sig‘imga ega samolyot tashuvchi kema 25 tugungacha tezlikka erisha oladi.

Asosiy harakatlantiruvchi tizim sifatida COCAG (Combined Gas and Gas) qo‘llaniladi, kemaning o‘zi esa STOBAR (Short Take-Off But Arrested Recovery) samolyotni uchib-qo‘nish tizimi bilan jihozlanadi.

❕ Bu usul oddiyroq va arzonroq, chunki u katapult yordamida havoga ko‘tarilish o‘rniga qisman egilgan uchish-qo‘nish yo‘lagidan foydalanadi. Qo‘nish aerofinisherda amalga oshiriladi.

Rasmiylarning ta’kidlashicha, yangi kema ko‘proq samolyotlarni sig‘dirish uchun kattaroq bo‘ladi. Amaldagi samolyot turi ma’lum qilinmagan, ammo kemada KAAN qiruvchi samolyotlarini ko‘rish mumkin. Bu ayni paytda birinchi turk qiruvchisining dengiz versiyasi ishlab chiqilayotganidan dalolat beradi.

2024 yilning 15 fevral kuni Turkiya Harbiy-dengiz kuchlari qo‘mondoni Admiral Erjument Tatliog‘lu, Mudofaa sanoati boshqarmasi rahbari Haluk Go‘rg‘un, ASELSAN bosh direktori Ahmet Akyol, HAVELSAN bosh direktori doktor Mehmet Akif Nacardan iborat delegasiya, ROKETSAN bosh direktori Murat Ikkichi va BAYKAR Technology direktorlar kengashi raisi Selchuk Bayraktar milliy samolyot tashuvchisi loyihalashtirilayotgan loyiha-konstruktorlik byurosiga tashrif buyurishdi.
Manba: www.aniq.uz