Myunxenda Ilhom Aliyev va Nikol Pashinyan o‘rtasida ikki tomonlama uchrashuv bo‘lib o‘tdi

17 fevral kuni Myunxenda Ozarbayjon Respublikasi Prezidenti Ilhom Aliyev va Armaniston Respublikasi Bosh vaziri Nikol Pashinyanning ikki tomonlama uchrashuvi bo‘lib o‘tdi.

Ozarbayjon prezidentining rasmiy sayti xabariga ko‘ra, uchrashuvda ikki davlat o‘rtasida tinchlik shartnomasi bo‘yicha muzokaralar, munosabatlarni normallashtirish, chegaralarni delimitasiya qilish masalalari muhokama qilingan.

Tashqi ishlar vazirliklariga yaqin vaqt ichida tinchlik shartnomasi bo‘yicha yig‘ilish va chegaralarni delimitasiya qilish bo‘yicha komissiya yig‘ilishini o‘tkazish topshirildi.

COP29 bilan bog‘liq o‘zaro kelishuvlar va ikki mamlakat o‘rtasidagi erishilgan yutuqlar ijobiy baholandi.




Manba: www.aniq.uz “Andijonliklar.Uz” yangiliklarini “Telegram”da kuzatib boring