Dunyo siyosatchilari ham rossiyalik muxolifatchining o‘limiga izoh berishdi

"Siyosatchi sifatida Aleksey haqida nima deb o‘ylasangiz ham, u shunchaki Kreml tomonidan shafqatsizlarcha o‘ldirilgan. Bu haqiqat va hozirgi Rossiya rejimining asl mohiyati haqida bilishingiz kerak bo‘lgan narsa shu", - dedi Latviya prezidenti Edgars Rinkevich.

"Dahshatli yangilik. Aleksey Navalniy Rossiya demokratiyasining himoyachisi sifatida butun umri davomida aql bovar qilmaydigan jasorat ko‘rsatdi", deb ta’kidladi Britaniya Bosh vaziri Rishi Sunak.

"Navalniy Rossiyaga qaytish uchun jasorati uchun o‘lim bilan to‘ladi", dedi Germaniya kansleri Olaf Shols.

"Navalniy zulm tizimiga qarshilik ko‘rsatgani uchun o‘z jonini to‘ladi", dedi Fransiya tashqi ishlar vaziri Stefan Sejourne.

NATO bosh kotibi Yens Stoltenbergning aytishicha, Navalniyning o‘limiga oid barcha faktlar aniqlanishi kerak, Rossiyada esa javob berishi kerak bo‘lgan jiddiy savollar bor.

"O‘z ideallari yo‘lida u eng katta qurbonlik qildi. Yevropa Ittifoqi bu fojiali o‘lim uchun faqat Rossiya rejimini javobgar deb biladi", - Yevropa Kengashi prezidenti Sharl Mishel.
Manba: www.aniq.uz “Andijonliklar.Uz” yangiliklarini “Telegram”da kuzatib boring