AQShning Jorjiya shtatida otishmada to‘rt nafar maktab o‘quvchisi yaralandi

Jorjiya shtatining Atlanta janubi-g‘arbida sodir bo‘lgan otishmada to‘rt nafar o‘rta maktab o‘quvchisi yaralandi.

Bu haqda tuman vakiliga tayanib, Atlanta News First xabar berdi.

Telekanal ma’lumotlariga ko‘ra, otishma maktab binosi oldidagi avtoturargohda sodir bo‘lgan. Noma’lum shaxslar avtomashinadan o‘q uzgan, natijada to‘rt nafar talaba yaralangan. Ular kasalxonaga yotqizilgan, hozirda hayotlari xavf ostida emas. Hodisadan so‘ng maktab yopildi va darsdan tashqari barcha mashg‘ulotlar bekor qilindi.

Polisiya gumonlanuvchilarning hibsga olingani haqida xabar bermadi yoki ularning shaxsi aniqlanganini aytmadi.




Manba: www.aniq.uz “Andijonliklar.Uz” yangiliklarini “Telegram”da kuzatib boring