Kongress Baydenni AQSh milliy xavfsizligiga tahdid haqidagi ma’lumotlarni oshkor qilishga chaqirdi

AQSh Kongressi Vakillar palatasining Razvedka qo‘mitasi rahbari Mayk Tyorner Amerika prezidenti Jo Baydenga murojaat qilib, “milliy xavfsizlikka tahdid” haqidagi ma’lumotni oshkor qilishni so‘radi.

Bu haqda u X ijtimoiy tarmog‘ida (sobiq Twitter) yozgan.

"Prezident Baydendan ushbu tahdidga oid barcha ma’lumotlarni oshkor qilishni so‘rayman", deyiladi xabarda.

Tyorner ma’lumotlarning sirini ochish zarurligini Kongress, ma’muriyat va AQSh ittifoqchilari zarur javob choralarini ochiq muhokama qilishlari kerakligi bilan izohladi.

NBC News telekanaliga ko‘ra, gap mamlakatdagi vaziyatni beqarorlashtirishi mumkin bo‘lgan “tashqi tahdid” haqida ketmoqda.


Manba: www.aniq.uz “Andijonliklar.Uz” yangiliklarini “Telegram”da kuzatib boring