O‘zbekiston diplomatlari Rossiyadagi o‘zbek diasporasi faollari bilan uchrashdi

O‘zbekiston Bosh konsulxonasida Rossiyadagi o‘zbek diaspora tashkilotlari rahbarlari hamda Sankt-Peterburg shahri va Leningrad viloyatida yashayotgan faol vatandoshlar bilan uchrashuv tashkil etildi, deb xabar bermoqda «Dunyo» AA muxbiri.

Suhbat davomida o‘zbek diaspora tashkilotlari rahbarlari bilan hamkorlik aloqalarini kuchaytirish, Rossiyaning Shimoliy-G‘arbiy Federal okrugida vaqtincha ishlayotgan vatandoshlarimizning haq-huquqlarini himoya qilish masalalari xususida fikr almashildi.



Bundan tashqari, mahalliy o‘zbek diaspora tashkilotlari bilan o‘zaro hamkorlikda mehnat migrantlari hamda o‘zbek talaba yoshlari o‘rtasida sodir etilayotgan jinoyatchilikni oldini olish bo‘yicha targ‘ibot-tashviqot ishlarini olib borish, O‘zbekiston imijini yanada oshirish bo‘yicha madaniy-ma’rifiy tadbirlar o‘tkazishga alohida to‘xtalib o‘tildi. Shu bilan birgalikda, O‘zbekistonda olib borilayotgan xavfsiz, tartibli va qonuniy mehnat migrasiya tizimi orqali mehnat migrantlarini ish joyi bilan ta’minlash, ularni huquq va manfaatlarini o‘zaro hamkorlikda himoya qilish masalalariga alohida e’tibor qaratildi.



Bo‘lib o‘tgan muloqot yakunida muhokama qilingan masalalar yuzasidan tegishli takliflar eshitildi va ularni amaliy bajarish yo‘llari kelishib olindi.
Manba: www.aniq.uz “Andijonliklar.Uz” yangiliklarini “Telegram”da kuzatib boring