20-01-2024, 10:19

Nukusdagi to‘yda yo‘l talashib, YTH sodir etgan avtomashina haydovchilari jazolandi

Nukus shahridagi to‘y marosimida bir nechta avtomashinalar haydovchilari o‘zboshimchalik bilan davlat raqamini yechib olib, guruh bo‘lib, turli manyovrlar qilib, yo‘l talashib YTH sodir etgani aks etgan video ijtimoiy tarmoqlarga sizdirildi. Ushbu holat yuzasidan Qoraqalpog‘iston Respublikasi IIV YHXB izoh berdi.

Joriy yilning 11 yanvar kuni Nukus shahrida to‘y marosimida guruh bo‘lib harakatlangan avtomashinalar tekshirilganda 15 ta avtomashina ushbu qoidabuzarlikni sodir etganligi aniqlandi. Qoidabuzar haydovchilarga nisbatan MJtKning 129-moddasi tartibida bayonnoma rasmiylashtirildi hamda ushbu kodeksning 291-moddasi bilan avtomashinalar vaqtinchalik saqlash uchun jarima maydonchasiga joylashtirildi.