Isroil G‘azoga yordam olib ketayotgan BMT yuk mashinasini o‘qqa tutdi

Isroil harbiy-dengiz kuchlari Birlashgan Millatlar Tashkilotining Yaqin Sharqdagi Falastinlik qochqinlarga yordam ko‘rsatish va ish olib borish agentligining (UNRWA) gumanitar oziq-ovqat karvoniga qarata o‘t ochdi. Bu haqda UNRWAning Falastin anklavidagi operasiyalar bo‘yicha direktori Tomas Uayt X ijtimoiy tarmog‘ida ma’lum qildi.

“Bugun ertalab oziq-ovqat karvoni G‘azo sektori shimoliga jo‘nab ketmoqchi bo‘lgan paytda Isroil harbiy-dengiz kuchlari tomonidan o‘qqa tutildi, xayriyatki, hech kim jabrlanmadi”, – dedi Uayt.

UNRWA shuningdek, anklavning barcha qismlariga xavfsiz kirish muhimligini aytdi

"Biz otilgan o‘qlar ostida gumanitar yordam yetkaza olmaymiz. Xavfsiz va barqaror insonparvarlik yordami zudlik bilan hamma joyda, jumladan, G‘azo shimolida ham zarur", – deyiladi agentlik bayonotida.




Manba: www.aniq.uz “Andijonliklar.Uz” yangiliklarini “Telegram”da kuzatib boring