Qozog‘istonda mahalliy ishlab chiqarilgan dronlar sinovdan o‘tkazildi

Mamlakat Havo hujumidan mudofaa kuchlari harbiy qismi bazasida Qozog‘iston Qurolli Kuchlari ehtiyojlari uchun mahalliy korxonalar vakillari tomonidan maxsus ishlab chiqilgan uchuvchisiz uchish apparatlarining ilk sinovlari bo‘lib o‘tdi.

Bu haqda Qozog‘iston Mudofaa vazirligi matbuot xizmati ma’lum qildi, deb yozadi «Report».

Qayd etilishicha, barcha UAVlar zamonaviy videokuzatuv uskunalari, datchiklar, masofa o‘lchagichlar va termal kameralar bilan jihozlangan.

Dronlar mahalliy korxonalar tomonidan qisqa vaqt ichida yaratildi.

Mahalliy ishlab chiqarish korxonalari harbiylarning barcha talab va istaklarini inobatga oldi.

«Dronlarning mahalliy ishlab chiqarilishi budjet mablag‘larini sezilarli darajada tejash, ularni yanada texnik xizmat ko‘rsatish va modernizasiya qilish masalalarini tezkorlik bilan hal etish imkonini beradi», — deyiladi xabarda.
Manba: www.aniq.uz “Andijonliklar.Uz” yangiliklarini “Telegram”da kuzatib boring