03-11-2023, 21:39

2024 yil uchun davlat budjeti: qaysi tashkilotga qancha pul ajratiladi?

2024 yilda yalpi ichki mahsulot o‘sishi 5,6-5,8 foiz, inflatsiya darajasi 8-10 foiz atrofida bo‘lishi prognoz qilinmoqda. Taqchillik chegarasi – 52,5 trln so‘m yoki YaIMga nisbatan 4 foiz. Keyingi yilda 2023 yilga nisbatan Maktabgacha va maktab ta’limi, Qishloq xo‘jaligi va Suv xo‘jaligi vazirliklariga ko‘proq, Soliq qo‘mitasi, Tog‘-kon sanoati va geologiya, Yoshlar siyosati va sport vazirliklariga esa kamroq pul ajratiladi.

“2024 yil uchun O‘zbekiston Respublikasining Davlat budjeti to‘g‘risida”gi qonun loyihasi jamoatchilik muhokamasiga qo‘yildi. Qonun loyihasiga ko‘ra, budjet daromadlari 270,3 trln so‘m, xarajatlari esa (budjetlararo transfertlarni inobatga olmagan holda) 279,6 trln so‘m miqdorida belgilangan. Taqchillik chegarasi –52,5 trln so‘m yoki YaIMga nisbatan 4 foiz.

2023 yilda olinadigan davlat tashqi qarzining cheklangan miqdori – 5 mlrd dollar. Shundan 2,5 milliardi davlat budjetini qo‘llab-quvvatlashga, 2,5 milliardi investitsiya loyihalariga yo‘naltiriladi. O‘zbekiston Respublikasi nomidan 25 trln so‘mlik davlat qimmatli qog‘ozlari chiqarilishi ko‘zda tutilmoqda.

2024 yilda yalpi ichki mahsulot 1 kvadrillion 301 trillion so‘mdan oshishi (1 301 759 trln so‘m) kutilmoqda. YaIM o‘sishi 2024 yilda 5,6-5,8 foiz, 2025 yilda 6,2 foiz, 2026 yilda 6,4 foiz bo‘lishi prognoz qilinmoqda.

Hujjatga ko‘ra, 2024 yilda inflatsiya darajasi 8-10 foiz atrofida shakllanishi mo‘ljal qilinmoqda.

2024 yilda birinchi darajali budjet taqsimlovchilariga respublika budjetidan ajratiladigan mablag‘lar (qavs ichida respublika budjetidan 2023 yilda ajratilgan mablag‘ ko‘rsatilgan):

1. Maktabgacha va maktab ta’limi vazirligi — 46 trln 647 mlrd 414,5 mln so‘m (26,7 trln);

2. Oliy ta’lim, fan va innovatsiyalar vazirligi — 6 trln 130 mlrd 330 mln so‘m (6 trln);

3. Sog‘liqni saqlash vazirligi — 4 trln 587 mlrd 244,7 mln so‘m (3,66 trln);

4. Madaniyat vazirligi — 1 trln 100 mlrd 445,3 mln so‘m (746 mlrd);

5. Yoshlar siyosati va sport vazirligi — 1 trln 768 mlrd 859,2 mln so‘m (1,219 trln);

6. Qurilish va uy-joy kommunal xo‘jaligi vazirligi — 1 trln 795 mlrd 563,6 mln so‘m (1,273 trln);

7. Qishloq xo‘jaligi vazirligi — 1 trln 711 mlrd 199,8 mln so‘m (657 mlrd);

8. Suv xo‘jaligi vazirligi — 10 trln 440 mlrd 149 mln so‘m (3,382 trln);

9. Energetika vazirligi — 242 mlrd 614,2 mln so‘m (70,5 mlrd);

10. Transport vazirligi — 6 trln 185 mlrd 909,4 mln so‘m (5,195 trln);

11. Ekologiya, atrof-muhitni muhofaza qilish va iqlim o‘zgarishi vazirligi — 816 mlrd 763 mln so‘m (278,4 mlrd);

12. Tog‘-kon sanoati va geologiya vazirligi — 939 mlrd 85,7 mln so‘m (1,117 trln);

13. Raqobatni rivojlantirish va iste’molchilar huquqlarini himoya qilish qo‘mitasi — 11 mlrd 552,3 mln so‘m (10 mlrd);

14. Davlat aktivlarini boshqarish agentligi — 11 mlrd 360,3 mln so‘m (11 mlrd);

15. Kambag‘allikni qisqartirish va bandlik vazirligi — 1 trln 121 mlrd 965,5 mln so‘m (478 mlrd);

16. Prezident huzuridagi Statistika agentligi — 257 mlrd 170,6 mln so‘m (197,6 mlrd);

17. Tashqi ishlar vazirligi — 874 mlr 564,9 mln so‘m (765,4 mlrd);

18. Investitsiyalar, sanoat va savdo vazirligi — 1 trln 68 mlrd 205,5 mln so‘m (931 mlrd);

19. Raqamli texnologiyalar vazirligi — 313 mlrd 926,7 mln so‘m (183,6 mlrd);

20. Adliya vazirligi — 239 mlrd 289,8 mln so‘m (214,8 mlrd);

21. Iqtisodiyot va moliya vazirligi — 91 trln 928 mlrd 187 mln so‘m (vazirlik xarajatlari kesimida juda ko‘plab ijtimoiy xarajatlar, tashqi qarzlarga xizmat ko‘rsatish va boshqa xarajatlar o‘rin olgan)(89,6 trln);

22. Vazirlar Mahkamasi huzuridagi Soliq qo‘mitasi — 158 mlrd 416,7 mln so‘m (1,5 trln);

23. Vazirlar Mahkamasi — 2 trln 027 mlrd 346,8 mln so‘m (1,949 trln);

24. Prezident administratsiyasi — 1 trln 599 mlrd 699,2 mln so‘m (1,241 trln);

25. Oliy Majlis Senati — 108 mlrd 465,2 mln so‘m (92,8 mlrd);

26. Oliy Majlis Qonunchilik palatasi — 1 trln 958 mlrd 940,2 mln so‘m (394,5 mlrd);

27. Oliy Majlisning Inson huquqlari bo‘yicha vakili (ombudsman) — 17 mlrd 938,3 mln so‘m (16,4 mlrd);

28. Bosh prokuratura — 2 trln 112 mlrd 243,3 mln so‘m (1,494 trln);

29. Oliy sud — 1 trln 703 mlrd 218,8 mln so‘m (1,185 trln);

30. Konstitutsiyaviy sud — 10 mlrd 683,4 mln so‘m (8,8 mlrd);

31. Sudyalar Oliy kengashi — 46 mlrd 768 mln so‘m (35 mlrd);

32. Markaziy saylov komissiyasi — 18 mlrd 298,9 mln so‘m (23,6 mlrd);

33. MTRK — 559 mlrd 913,6 mln so‘m (521,9 mlrd);

34. O‘zA - 36 mlrd 721,3 mln so‘m (33,7 mlrd);

35. Respublika Ma’naviyat va ma’rifat markazi — 67 mlrd 762 mln so‘m (65,7 mlrd);

36. Inson huquqlari bo‘yicha Milliy markazi — 14 mlrd 726 mln so‘m (13,4 mlrd);

37. Kasaba uyushmalari Federatsiyasi Kengashi — 150 mlrd so‘m (150 mlrd);

38. Fanlar akademiyasi — 429 mlrd 943,7 mln so‘m (364,8 mlrd);

39. Badiiy akademiya — 140 mlrd 325,3 mln so‘m;

40. Korrupsiyaga qarshi kurashish agentligi — 30 mlrd 720,9 mln so‘m (23,6 mlrd);

41. Hisob palatasi — 106 mlrd 025,9 mln so‘m (69 mlrd);

42. Davlat xizmatini rivojlantirish agentligi — 635 mlrd 623,9 mln so‘m (267 mlrd);

43. Strategik islohotlar agentligi — 38 mlrd 757,3 mln so‘m (35,8 mlrd);

44. Bolalar ombudsmani — 2 mlrd 271,9 mln so‘m;

45. "Sog‘lom avlod uchun" hukumatga qarashli bo‘lmagan xalqaro xayriya jamg‘armasi — 733,4 mln so‘m(;

46. Respublika bolalar ijtimoiy moslashuvi markazi — 9 mlrd 114,5 mln so‘m;

47. Milliy antidoping agentligi — 8 mlrd 131,1 mln so‘m;

48. Din ishlari bo‘yicha qo‘mita — 42 mlrd 163,1 mln so‘m;

49. Madaniy meros agentligi — 213 mlrd 588,3 mln so‘m;

50. Prezident huzuridagi Ijtimoiy himoya milliy agentligi — 20 trln 274 mlrd 660,8 mln so‘m;

51. Boshqa tashkilotlar — 44 trln 574 mlrd 256,5 mln so‘m (36 trln).