O‘zbekiston va Xitoy o‘rtasida multimodal konteyner tashuvlari rivojlantiriladi

Shu kabi maqsadlarda Xitoyning Shandun provinsiyasi Tszinan shahrida O‘zbekiston Respublikasi Transport vazirligi, “Temiryo‘lkargo” AJ va Xitoyning “Shandong Port Logistics Group Co., Ltd” kompaniyasi mas’ullari o‘rtasida uchrashuv bo‘lib o‘tdi.

Uchrashuvda “Shandong Port Logistics Group Co., Ltd” kompaniyasi raisi Van Vey, Transport vazirligi huzuridagi Transport va logistika muammolarini o‘rganish markazi direktori Bekzod Xolmatov, “Temiryo‘lkargo” AJ boshqaruvi raisi o‘rinbosari Oybek Jabborovlar ishtirok etdi.

Tomonlar port va logistika resurslariga tayangan holda, multimodal konteyner tashuvlarini birgalikda amalga oshirish, butun logistika jarayonida axborot almashinuvini ta’minlash bo‘yicha hamkorlikni yo‘lga qo‘yishga kelishib oldilar, deyiladi O‘zbekiston Respublikasi Transport vazirligi ma’lumotida.

Tadbir so‘ngida “Shandong Port Logistics Group Co., Ltd” kompaniyasi hamda “Temiryo‘lkargo” AJ o‘rtasida mavjud logistik imkoniyatlardan foydalanish bo‘yicha anglashuv memorandumi imzolandi.

“Shandong Port Logistics Group Co., Ltd” kompaniyasi yuk aylanmasi bo‘yicha Xitoyda birinchi, dunyoda esa uchinchi o‘rinda turadi.

“Andijonliklar.Uz” yangiliklarini “Telegram”da kuzatib boring