Buxorodagi bir maktabning 20 nafar o‘qituvchisi ming dollarga yaqin maosh olmoqda

Buxoro shahridagi 38-umumta’lim maktabi viloyatning o‘z o‘rniga ega ta’lim muassasalaridan biri bo‘lib, birgina o‘tgan o‘quv yilida o‘quvchilarining 30 nafari maktab partasidayoq mamlakatimiz hamda xorijdagi nufuzli oliygohlarga talaba bo‘lish imkoniyatini qo‘lga kiritdi.

Maktabni tamomlagan 107 nafar o‘quvchining 86 nafari talaba bo‘ldi. Har yili mazkur ta’lim maskani bitiruvchilarining oliy ta’lim muassasalariga kirish ko‘rsatkichi 80-85 foizni tashkil etadi.

Joriy yilda maktabning 11-sinfida tahsil olayotgan 120 nafar o‘quvchining 50 nafari til bilish darajasini belgilovchi milliy hamda xalqaro sertifikatlarni qo‘lga kiritdi.

— Erishilayotgan natijalarimizning barchasi o‘qituvchilarimizning izlanuvchanligi, fidoyiligi samarasidir. Ayni paytda maktabimizda 80 nafar o‘qituvchi faoliyat olib bormoqda. Ularning barchasi o‘z kasbiga sadoqatli, tajriba va mahoratga ega pedagoglardir. Bugun o‘qituvchilarga berilayotgan imkoniyatlardan unumli foydalanayotgan muallimlarimizning 20 nafari ming dollar va ming dollarga yaqin maosh olmoqda. Albatta, mehnatining munosib rag‘bat topishi – muallimlarimizni yana-da g‘ayrat-shijoat bilan ishlashga, izlanishga undamoqda,

— deydi maktab direktori Dilorom Jo‘rayeva.


Manba: www.aniq.uz “Andijonliklar.Uz” yangiliklarini “Telegram”da kuzatib boring