O‘zbekistonda Markaziy Osiyodagi birinchi xususiy aerodrom quriladi

Markaziy Osiyodagi birinchi xususiy aerodrom xitoylik investorlar hisobiga O‘zbekistonda quriladi. Bu haqda Toshkent viloyati hokimligi matbuot xizmati xabar berdi.

Ma’lum qilinishicha, Shenchjen shahrida O‘zbekiston—Xitoy biznes-forumi doirasida Toshkent viloyati Ohangaron tumanidagi “Yangi hayot” mahallasida aerodrom qurish bo‘yicha kelishuvlar imzolandi.

Loyiha qiymati 380 million dollarga baholangan. Qurilish ishlari 2024 yilning ikkinchi yarmida boshlanishi rejalashtirilgan.

Qayd etilishicha, loyiha xitoylik investorlarning 100 foiz kapitali ishtirokida amalga oshiriladi.




Manba: www.aniq.uz “Andijonliklar.Uz” yangiliklarini “Telegram”da kuzatib boring